ليش مكياج المشاهير يطّلع خيال؟
ومكياجك دايم يطّلع باهت أو يكتّل!
الحقيقة مو بس ماركات غالية السر الحقيقي يكون في التكنيك وفهمكِ لبشرتكِ..في هالمقال راح نكشف لكِ أسرار المكياج اللي يطبقها المحترفون عشان يوصلون لإطلالة خيالية وراح تعرفين وين الخلل اللي يخلي إطلالتك أقل إشراقاً.
مستعدة لاكتشاف أسرار المكياج والخطوات اللي يطبقها خبراء التجميل؟
راح نشاركك كل تفاصيل وأسرار المكياج اللي يخبونها خبراء التجميل عشان تتقنين التكنيك اللي يخلي مكياجك دايم خيال وبأقل مجهود.
1. البشرة هي الأساس..هل تجهزين بشرتك صح؟
الخطأ الأول والأكبر اللي نقع فيه دايم هو وضع المكياج على بشرة غير مهيأة..تذكري أن المكياج ما هو إلا طبقة فوق بشرتكِ فإذا كان الأساس مو نظيف ومرطب مستحيل النتيجة تكون ممتازة..إليك خطوات تحضير البشرة المثالية:
- التنظيف العميق: ابدئي بغسول مناسب لنوع بشرتك عشان تتخلصين من أي زيوت أو أتربة عالقة.
- استخدام التونر: لا تهملين خطوة التونر لأنه يجهز بشرتك لاستقبال المنتجات.
- الترطيب الذكي: اختارِ مرطب يناسب نوع بشرتك سواء كانت دهنية أو جافة أو مختلطة لأن الترطيب هو اللي يخلي الفاونديشن ينساب على وجهك كأنه بشرتك الحقيقية.
- الاستمرارية: لا تتجاهلين هالخطوات أبداً قبل أي إطلالة فهي واحدة من أهم أسرار المكياج الناجح والإطلالة المشرقة اللي دايم تطمحين لها.
2. البرايمر:
البرايمر مو مجرد خطوة إضافية هو العازل اللي يحمي مسامك ويخلي المكياج يصمد طوال اليوم..إذا كانت بشرتك دهنية البرايمر المات يتحكم باللمعان..وإذا كانت بشرتك جافة البرايمر المرطب بيعطيكِ طلة صحية ودايم تحتاجيه إذا كنتِ تبغين مكياجك يدوم لساعات طويلة أو إذا كان عندك مسام واسعة تبين تخفينها.
3. اختيار درجة الفاونديشن المناسبة:
اختيار الدرجة الغلط هو السبب الرئيسي للمظهر الرمادي أو الباهت اللي يفسد إطلالتك..وعشان تتقنين أهم أسرار المكياج لازم تتعرفين على الأندرتون Undertone الخاص ببشرتك أولاً:
- حددي الأندرتون الخاص بك: انظري لعروق يدكِ إذا كانت تميل للون الأخضر فأنتِ من صاحبات الأندرتون الدافئ..أما إذا كانت تميل للون الأزرق أو البنفسجي فأنتِ من صاحبات الأندرتون البارد وإذا كنتِ محتارة بين الاثنين فأنتِ غالباً في الفئة المحايدة.
- دايم اختاري الفاونديشن اللي يطابق لون رقبتك مو لون وجهك لأن الرقبة هي المقياس الحقيقي للون الطبيعي.
- تجنبي الخطأ الشائع: اختيار درجة أفتح أو أغمق من بشرتك الحقيقية يقلب النتيجة ويخرب توازن الوجه ويخلي مظهرك غير طبيعي.
اختيار الدرجة الصحيحة هو اللي يعطيكِ التغطية المثالية ويخلي بشرتك تبين صافية ومشرقة هو واحد من أهم أسرار المكياج اللي يفرق إطلالتك ويخليها احترافية بكل تفاصيلها.
4. كثرة المنتجات مو دايم تعني نتيجة أفضل:
كثير مننا يظن أن كثرة الطبقات يعني تغطية أحسن لكن الحقيقة العكس:
فخ الكيكة: حين تكدسين طبقات الفاونديشن والكونسيلر فوق بعض وجهك بيطلع مكتوم ومخطط وملمس بشرتك بيبان كيكي ومزعج وهذا اللي يخلي المكياج يبين مبالغ فيه.
- الطريقة الصح للدمج: ابدئي بكمية بسيطة جداً من المنتج وادمجيه بفرشاة أو بيوتي بلندر مبللة ووزعيه بحركات خفيفة وهذي التقنية هي واحدة من أبرز أسرار المكياج اللي يتبعها المحترفون عشان يضمنون تغطية مثالية بدون ما يثقلون على البشرة.
- بشرة تتنفس: التغطية الطبيعية هي اللي تخلي بشرتك تتنفس وتبين صحية كل ما خففتِ المكياج كل ما طلعت ملامحك أصغر سناً وأكثر إشراقاً.
5. الإضاءة:
كثير نغلط ونضع مكياجنا تحت إضاءة صفراء خافتة وحين نطلع للشمس نصدم بالواقع..الإضاءة الطبيعية هي الأساس..جربي تحطين مكياجك قدام شباك أو إضاءة داي لايت عشان تشوفين الدمج الحقيقي وتتأكدين إن الألوان متناغمة وما فيها تكتلات.
عروض العيد حصرية من نيوغراي لا تفوتكِ الفرصة الكميات محدودة.
6. أسرار الكونسيلر:
الكونسيلر مو بس للإخفاء هو للإضاءة..ولأننا نتكلم عن أسرار المكياج الاحترافي استخدمي درجة أفتح من لون بشرتك بدرجة واحدة للدوائر تحت العين وادمجيه بطريقة الطبطبة مو المسح..الخطأ اللي يخليك تبين متعبة هو وضع كونسيلر كثير أو درجة غلط مثلاً كونسيلر فاتح جداً على هالات داكنة يعطيك لون رمادي.
7. البودرة:
البودرة وظيفتها التثبيت لكن الإفراط فيها يقتل لمعة البشرة الصحية..ويخلي وجهك يبين باهت ومن أهم أسرار المكياج عشان تظلين محتفظة بإشراقتك استخدمي فرشاة صغيرة تحت العين وبودرة شفافة خفيفة على الأماكن الدهنية فقط..لا تغرقين وجهك بالبودرة فالهدف هو تثبيت بدون ما نخلي البشرة تبين جافة أو متشققة.
وحين نضبط تغطية البشرة وإخفاء العيوب نوصل للخطوة اللي تبين اشراقة الوجه وهي خطوة البلاشر.
8. البلاشر:
البلاشر هو اللي يرجع الروح لوجهك بعد الفاونديشن..حطيه على أعلى الخدود وادمجيه مع الكونتور..الألوان الوردية والمشمشية تعطي حيوية فورية..إذا كنتِ تبغين طلة طبيعية فإن البلاشر الكريمي هو الأنسب لكِ.
9. الهايلايتر:
الهايلايتر يعطي إضاءة للأماكن العالية في وجهك مثل عظمة الخد وجسر الأنف وتحت الحاجب ومن أبرز أسرار المكياج عشان تطلعين بلوك احترافي هو انكِ تعرفي الفرق بين اللمعة الأنيقة والمبالغ فيها هو الكمية..حطيه بلمسات خفيفة وتأكدي إنه ما يبرز مسام البشرة أو عيوبها.
10. مكياج العيون:
السر في عيون جذابة هو استخدام برايمر للعين ولا تكتفين بلون واحد ادمجي لون انتقالي فاتح في كسرة العين وبعدها لوني الأساس وغمقي الزوايا لأن المزج بين الألوان هو اللي يعطي عمق للعين ويخليها تبرز.
بعد ما خلصنا من تفاصيل العين وإشراقة الوجه..ما تنسى أهم جزء اللي يحدد ملامحك ويعطيها طابعها المميز..
11. الحواجب:
الحواجب هي اللي تحدد إطار وجهك والتحديد القاسي والغامق صار من الماضي فمن أهم أسرار المكياج اللي يطبقها الخبراء انكِ تستخدمي قلم حواجب دقيق ونحيف لتعبئة الفراغات
12. الشفاه:
الروج لا يقل أهمية عن باقي المكياج عشان كذا حددي شفايفك بمحدد بلون قريب من لونها ورطبيها قبل الروج..التوازن مهم فإذا كان مكياج عيونك قوي خلي الروج هادي والعكس صحيح.
13. بخاخ التثبيت:
بخاخ التثبيت مو مجرد خطوة إضافية هو اللي يدمج طبقات المكياج كلها مع بعض ويخليها تبين كأنها جزء طبيعي من بشرتك مو مجرد طبقة خارجية ومن ضمن أسرار المكياج اللي يغفل عنها الكثيرين هو اختيار البخاخ المناسب لأن البخاخ الجيد يغير مظهر المكياج بالكامل ويحولهإلى طلة مشرقة تدوم معك طول اليوم.
ولأنكِ دايم تستحقين الأفضل جمعنا لكِ كل ما تحتاجينه من منتجات العناية والمكياج في متجر نيوغراي..استكشفي تشكيلتنا المميزة اللي تتجاوز التوقعات عشان تكوني دايم في أبهى صورة وأكثر ثقة.
الخاتمة:
دايم تذكري أن أسرار المكياج الحقيقية لا تكمن في غلاء المنتجات أو كثرتها لكن تكون في الطريقة اللي تتعاملين بها مع ملامحك فبمجرد أن تفهمي احتياجات بشرتكِ وتعرفي تقنيات الدمج وتختاري اللي يناسب لونكِ الطبيعي سيتحول روتينك اليومي وتقدرين تعبرين عن شخصيتك.
الأسئلة الشائعة:
ما هي 3 أشياء ضرورية في المكياج؟
الأساسيات هي الماسكارا لإبراز جاذبية العين والكونسيلر لإخفاء الهالات والشوائب وأحمر الشفاه اللي يضيف حيوية لوجهك..هالثلاث قطع كفيلة بتغيير ملامحك وتعطيكِ إطلالة مرتبة وسريعة.
ما هي أسرار المكياج الناجح؟
السر الحقيقي يبدأ بفهم الأندرتون الخاص ببشرتك فإذا كانت عروقك مائلة للأخضر فبشرتك دافئة وتليق بها الألوان المشمسة..أما إذا كانت تميل للأزرق أو البنفسجي فهي باردة وتنسجم مع الألوان الباردة اللي تزيدها صفاءً.
كيف أجعل المكياج صافياً؟
السر في العناية بالبشرة قبل المكياج واستخدام إسفنجة مبللة لتوزيع المنتجات بطبقات خفيفة مع الاكتفاء بوضع الكونسيلر فقط على الأماكن اللي تحتاج تغطية فعلاً للحصول على طلة طبيعية وصافية.
كيف أجعل وجهي يلمع بالمكياج؟
ركزي على الترطيب العميق قبل البدء، واستخدمي هايلايتر سائل على أماكن الإضاءة في وجهك وادمجيه بلطف مع الحرص التام على تجنب المناطق الدهنية عشان تضمنين إطلالة مشرقة وصحية مو مزعجة.